【輪證下半Part】DT玩返Swing trade啦

指數反方向行估唔到比噚日個時間還要早，今朝低開後指數反方向回升，至半場收市報18098點，倒升2點，上半場最多倒升過49點，高見18145點。理論上未對今日嘅牛熊證街貨造成任何傷亡，不過今日新上市而未見有街貨嘅，應該死咁啲架啦。

指數反方向打返上18000點，對隻恒指Put(18978)當然唔好啦，以平均買入價為0.162元，同中午收市價0.147元比，呢一下抽高無咗15格或9.26%。當然Set好嘅下望保歷加通道底線仍然係可以望住，但仲要比多兩眼睇實之前Mark實嘅止蝕水平，就係噚日(9月11日)下跌裂口頂部18173點，同今朝高位18145點比，兩者只相差28點。

下半場開市後，指數喺中軸咬咗一陣再向下運行並向住五分鐘圖嘅底線出發，Slow STC(14,3)同步亦見兩線向下差不多到超賣範圍。雖然大方向都係睇向下啫，但如果以Day Trade計，一日裡面基本上都有三至四個Swing出現，好淡來來回回捉到方向玩嘅話，仍然都可以搵到杯奶茶錢嘅。

恒指牛(52734)，收回價17708點，同現價有接近400點差距，槓桿約32.32倍夠做Day Trade，的確係想借依家Slow STC(14,3)向下落返超賣再確認出到觸底時出動，純綷只為Swing Trade行一趟；但比較要留意嘅係，目前五分鐘圖上嘅保歷加通道口收窄中，一旦反方向拓闊，咁Slow STC(14,3)反過來就有條件出超賣再超賣，唔行Swing的話咁隻(52734)亦都出唔到架啦。