2023-11-30
恒指今早低開8點後展轉發展，有升過見返綠燈，亦有跌過百點創年內新低，及至中午收市時算是力挽狂瀾；而比較在意的，仍然都係小時圖上嘅10線，事關目前小時圖上整條保歷加通道都見向下，指數同Slow STC(14.3)出現觸底機會較大，關鍵在於指數會用保歷加底線同10線向下行Swing，還是底線至中軸去行。
......
2023-11-29
如同噚日一樣，恒指今日再上演以高位開市，升4點後踩正9點半即見紅，半日跌344點，中午收市報17010點，而呢口價亦都係暫時全日嘅低位。
指數於今日期結日再向街貨方向發展，所以亦揀定隻恒指熊(60418)出嚟應市，講好可以進取地出場，安全注亦都只係等一等指數過唔過五分鐘圖10線。以今朝9點58分出文時間計，如常用10分鐘時間睇文的話，即於10點8分再睇返走勢圖，見指數稍回向住五分鐘圖10線方向出發，再等多五分鐘又再靠近啲，但都係未見上破10線，弱弱的大市只係留底上影線喺度，吼呢個位出隻(60418)的話，以10點15分起計用10分鐘作為買貨時間，期內(60418)高低位做過0.056元/0.051元，平均買入價為0.0535元。
......
2023-11-29
一日無睇市發現其實都無乜大變化，日線圖上見指數早排一度上破年初至今大型「下降通道」兼築起「上升通道」時，再來18000點攻防戰，可惜最後都係無功而無，指數重新回落返去大型「下降通道」裡面嘅同時，噚日似乎連「上升通道」都無埋，估計應該唔少人會再睇返17000點呢個位。
......
2023-11-27
恒指今日即開即低走，半日高位17677點，呢口價亦係今朝嘅開市價，指數向下連環將兩層牛證街貨全數收回合共收返相當於2060張期指街貨，阿市唔止飽，應該仲有啲滯。如常的喺大約11點打後見五分鐘圖保歷加通道口開始收窄，嚟到下半場開市時更見保歷加頂至底線高度得返57點，即使見Slow STC(14,3)同指數已經出現咗觸底走勢，反手出好倉亦要睇緊少少。
......
2023-11-27
仲有一個月鬆啲2023年就會過去，暫時睇返今年頭十個月同埋自己excel嘅11月【月度報告】，雖然未見負數，不過有啲月份唔係做得太好嘅，其實扣埋手續費最多都只係買到我家肥貓嘅小量零食；托賴我家肥貓都仲有支醬醬可以舔下。
......
2023-11-24
未到18000點恒指再見下行，唔知係咪區間頂底出現下有移，Anyway，恒指見日線圖條20線守到咁穩，好淡雙方隨時無啦啦又掟石過對家。
今朝Set好出淡倉行先，最好笑嘅係自己上晒文之後發現原來我唔記得揀貨，寫咗呢隻稿都已經有八年多，都係第一次有方向但唔記得揀貨。以今朝出文時間10點2分，如常用10分鐘作為睇文時間的話，即10點12分，喺小時圖上已經見到指數低走於50線，符合淡倉出動嘅策略。再到11點至12點期間見指數再落到小時圖100線，上半場低位見過17605點，少少地爬格仔都可以處理得到，前題係要你自己揀貨。
......
2023-11-24
噚日揀定隻恒指熊(60257)出嚟，本為以小時圖10線會擋住Slow STC(14,3)出觸底，事關指數落去到50線之後，足足用咗四粒小時圖嘅燭嘅時間，先至見到指數上破10線，同步Slow STC(14,3)成功出觸底。呢下觸底都真係等咗好耐，諗住佢唔出所以揀定隻熊，結果同細路一樣，愈係叫佢唔好，佢偏係要做，一下子井噴上去見17900點樓上收市。還好作戰室喺下半場見2點5分出「大陽燭」後即追好倉，先至無Miss到呢一個升得咁嘩嘩聲嘅下半場。
......
2023-11-23
恒指今日低開54點，開市報17680點之後，低見17577點，跌幅一度擴大至157點，先將第一層牛證17600至17699點全數收回。喺於五分鐘圖上低位出現「破腳穿頭」後，指數跌幅亦見收窄，半日高位17723點，僅跌11點，唯半場仍不敵小時圖10線阻力，半日收市報17669點，跌64點。
......
2023-11-23
噚日恒指上半場真係悶到發瘋，去到下半場1點45分左右先至叫做有啲嘢睇下，作戰室噚日沉住氣沉到喺呢個位先至出手。都話Day Trade唔係鬥出得幾密，而係鬥耐性同時間準確性。
今朝返嚟見恒指又係少少地開個裂口出嚟，落返去176xx點範圍開市。基本上今日指數郁一郁都有貨落肚，事關今日牛熊證街貨層兩邊得返一層17700型17799點嘅罅啫，而兩邊都有唔少街貨喺度，不過分布有啲唔同：熊證嘅比較集中於18200至18299點同18300至18399點，過千張期指儲成嘅重貨區同遠距離大嗌一句：打我呀！笨！係無分別；牛證方面就企得比較平均，每層都有大約有相當於400至600張期指街貨，齊齊整整，四四正正，同閱兵差唔多。
依家9點54分，作戰室已經完成第一注淡倉，指數一度失守17600點，第一層牛證亦已經死亡，依家見指數跌幅有所收窄，由頭先見最多13x點到依家跌93點，報17640點，五分鐘圖上見指數低位出咗「破腳穿頭」，不過頭頂有條10線，快手執完第一注之後大家都靜待10線阻力強還是「破腳穿頭」撐得起。
......