【輪證下半Part】恒指牛平手算

今朝揀咗隻市場上第二高槓桿嘅恒指牛(55693)出嚟，進取嘅見指數同Slow STC(14,3)喺五分鐘圖上落到中軸位企穩就出動，否則如常的用返Slow STC(14,3)做Swing等超賣位先至再出動。

以今朝Patreon出文時間為10點30分，如常的用10分鐘作為睇文時間的話，即10點40分時再睇返五分鐘圖，見指數當時已經低走於五分鐘圖110線，再等到10點50分，指數向下出一支比較大少少嘅陰燭一下子穿過條中軸，嘿，進取mode即時無得諗，線已穿；都好嘅，疊埋心水等Slow STC(14,3)落返去超賣水平。

再等到11點，見Slow STC(14,3)兩線已經落到去20以下嘅超賣位，(55693)亦都應該做完熱身，準備出場。由當刻開始至11點35分，Slow STC(14,3)兩線其實都係Keep住處於超賣至嚴重超賣嘅範圍，(55693)喺呢段時間可以出場嘅，按照期內(55693)高低位做過0.057元/0.05元計，平均落場價為0.0535元。

落場後，指數同Slow STC(14,3)兩線亦上半場最後半小時都有見觸底呈上，但去到中軸左右似乎已經叫停。

及至下半場返嚟見指數有再次闖中軸關，可惜都係無功而回，Slow STC(14,3)兩線於1點15分指數稍為穿過少少中軸後回落，佢亦同步向下，暫時計由之前超賣位上到只係60幾左右就%K線穿%D線。及至依家1點24分，保歷加通道口頂至底收窄到得返66點，Slow STC(14,3)兩線勢頭再次向下，再Hold好倉似乎已經意義不大，更何況條保歷加窄到咁，望望(55693)證價都仲有0.053元，打個和輸手續費當同SAA(保護遺棄動物協會)買張獎券算啦。